Your local agent
KREATIV
DENTAL

+ 36 (1) 2220199

Contact us
KREATIV DENTAL

+ 36 (1) 22 201 99

Contact us

Nýjustu
meðmæli á video

Cathy O'Connor >

Nýjustu meðmæli á video

Cathy O'Connor, Dublin >

ISO 9001

ISO 9001

IMTJ

ViðurkenningarWhatClinic ISO9001
UKAS
Treatment Abroad

Viðurkenningar

WhatClinic UKAS ISO9001 Treatment Abroad

Sjá stofuna í 3D

Algengar spurningar og svör

Hvernig gengur hefðbundin heimsókn til Kreativ Dental fyrir sig?

Koma til Búdapest

Gestir okkar koma við í móttöku Kreativ Dental á flugvellinum í Búdapest sem er í móttökusal flugvallarins eftir að hafa sótt farangur sinn. Móttaka Kreativ Dental er við hliðina á bílaleigu afgreiðslunum. Þar lætur þjónustustjóri okkar á flugvellinum þá fá blað með upplýsingum um hvenær þeir eiga frátekinn tíma á stofunni. Að því búnu hitta þeir fyrir bílstjóra okkar sem ekur þeim, í boði Kreativ Dental, annað hvort á hótelið eða beint á tannlæknastofuna eftir því hvenær þeir eiga bókaðan tíma.

Fyrsti tími hjá tannlækni - Skoðun og ráðgjöf

Þegar komið er á tannlæknastofuna skal gefa sig fram við móttökuna á annarri hæð. Þegar búið er að skrá komu mun aðstoðarmaður tannlæknis taka röntgenmynd og svo vísa þér inn á tannlæknastofuna fyrir skoðun. Tannlæknirinn þinn mun þá skoða þig og röntgenmyndina og ræða við þig um óskir þínar og þarfir. Einnig gæti nánari skoðun verið nauðsynleg þar sem kallaðir væru til, tannholsskurðlæknir, tannvegsbólgusérfræðingur og/eða munnholssérfræðingur. Ef þörf er talin á getum við tekið tölvusneiðmynd til að fá nánari greiningu fyrir tannplantameðferð eða rótfaryllingar.

Meðferðaráætlun

Tannlæknirinn þinn mun svo setja upp meðferðaráætlun byggða á ráðgjafafundinum. Þér verða gefnar allar nauðsynlegar sem skýra út meðferðina og tækifæri til að ræða hana við tannlækninn þinn. Þegar þú ert ánægður með þá meðferð sem sett hefur verið upp og hefur samþykkt hana verður þér gefinn tími hjá tannlækni til að hefja meðferð.
Við undirskrift meðferðaráætlunarinnar er gert ráð fyrir að greitt sé 50% kostnaðar við fyrsta skref meðferðarinnar. Seinni hluti kostnaðarins skal svo greiddur við lok fyrsta hluta meðferðar.

Meðferðin

Meðferðin fer svo fram samkvæmt meðferðaráætluninni. Ef einhverjar breytingar eru nauðsynlegar á meðferðaráætluninni, verður þú látin/nn vita og farið yfir ástæðurnar fyrir breytingunum með þér. Í slíku tilfelli verður áætluninni þá breytt og undirskriftar þinnar krafist til að formlega staðfesta breytingarnar. Fjöldi komutíma til tannlæknis byggist á eðli og frammgöngu meðferðarinnar. Ef þér finnst þú þurfa að ræða eða fara yfir meðferðina þína á einhverjum tímapunkti er starfsfólk Kreativ Dental ávalt boðið og búið til að aðstoða, hjálpa og skýra út.

Lok meðferðar og greiðsla

Við lok meðferðar er kostnaður tekinn saman og gerður upp. Hægt er að geiða með kredit- eða debit kortum (Mastercard, Visa, American Express), reiðufé eða hvoru tveggja. Ef þú hefur fengið varanlega endurgerð tanna, svo sem krónur, brú, tannparta eða samsetningu hvoru tveggja, verður þér afhent ábyrgðarskjal og upplýsingar um hvernig þér ber að annast og viðhalda endurgerðu tönnunum. Allar upplýsingar er varða ummönnun og viðhald eftir annars konar meðferðir hjá Kreativ Dental verða einnig afhentar þér að meðferð lokinni.

Eftirmeðferð

Þarfnist þú einhverrar aðstoðar eða upplýsinga eftir að heim er komið mun umboðsmaður Kreativ Dental á íslandi vera þér um hönd. Okkur hlakkar til að sjá alla viðskiptavini okkar í ársskoðun eftir að þeir hafa lokið meðferð.

Hvernig skpulegg ég ferðina?

Að skipuleggja tíma hjá Kreativ Dental gæti ekki verið auðveldara með aðstoð íslenska umboðsmannsins.


1. Fyrsta skrefið er að ákveða hvenær þú vilt koma til Búdapest. Við munum svo ræða við þig um mögulegar dagsetningar fyrir tíma sem hennta þér og stofunni. Í Ungverjalandi eru til dæmis frídagar á öðrum dögum en á Íslandi, svo það er best að koma ekki þegar stofan er lokuð.
Kreativ Dental getur tekið á móti einstaklingum með skömmum fyrirvara fyrir fyrstu skoðun og ráðgjöf og fyrir ísetningu tannplanta. Fyrir krónur og brýr þarf að bóka með svolitlum fyrirvara.



2. Næsta skref er að bóka flug til Búdapest. Wizz air (www.wizzair.com) flýgur beint til Búdapest frá Keflavík á miðvikudögum og sunnudögum (farið er í lofitð frá Keflavík kl. 17:25 og lent í Búdapest kl. 23:55).
Umboðsmaður okkar á Íslandi getur aðstoðað ef þú ert ekki nægilega örugg/ur að bóka flug.

3. Þá er allt upp talið! Kreativ Dental sér um allar aðrar ráðstafanir. Við munum:

  • Bóka hótelið fyrir þig. Við bjóðum upp á tvö hótel, Hóel Amadeus*** sem er í 5 mínútna göngufjarlægð frá Kreativ Dental og er vanalega fullt af gestum okkar hvaðanæva úr heiminum og Hótel Arena**** þar sem skutla gengur á klukkutíma fresti til og frá Kreativ Dental. Smelltu hér til að skoða nánar hótelin sem við bjóðum upp á.
  • Hitta þig á flugvellinum í Búdapest og keyra þig upp að dyrum á hótelinu. Ef þú hefur sjálfur bókað þittt eigið hótel mun Kreativ Dental keyra þig þangað.
  • Við munum svo keyra þig aftur upp á flugvöll þegar halda skal aftur heim til Íslands.

Hvar mun ég gista?

Kreativ Dental hefur samið um sér kjör fyrir gesti okkar á hótelum í nágreninu. Þú getur valið um tvö hótel. Hótel Amadeus*** sem er í 5 mínútna göngufjarlægð frá Kreativ Dental og er vanalega fullt af gestum okkar hvaðanæva út heiminum og Hótel Arena**** þar sem skutla gengur á klukkutíma fresti til og frá Kreativ Dental. Smelltu hér til að skoða nánar hótelin sem við bjóðum upp á. Við Hótel Arena er neðanjarðarlestastöð sem tekur þig beint í miðbæinn (tekur aðeins um 10 mínútur) og í 10 mínútna göngufjarlægð er ein besta verslunarmiðstöð Búdapest með fjölda þekktra verslana, veitingastaða og fleira.
þér er að sjálfsögðu frjálst að bóka þína eigin gistingu. Við munum engu að síður hitta þig á flugvellinum í Búdapest, aka þér upp að dyrum og afhenta þér og ferðafélaga þínum kort sem gildir í allar almenningssamgöngur í borginni.

Smelltu hér til að skoða nánar hótelin sem við bjóðum upp á

Hversu lengi mun ég dvelja í Búdapest?

Í öllum tilfellum fara gestir okkar í fyrsta tannlæknatímann til okkar (sem er ókeypis) sem innifelur skoðun, tölvuröntgen myndatöku, meðferðarplan og ráðgjafafund, áður en meðferð hefst. Það er mögulegt að fljúga til Búdapest að morgni, fara í fyrsta tannlæknatímann og fljúga heim að kveldi, ef þú hefur bókað slíkt flug.

Meðferðaráætlunin mun greina frá meðferðarmöguleikum, nákvæmum kostnaði og þeim tíma sem tekur að ljúka meðferð og tíma gróandi (ef þörf er á) sem og fjölda heimsókna sem gera má ráð fyrir.

Flestir kjósa að koma í fyrsta tannlæknatímann og hefja meðferð við fyrstu heimsókn til Búdapest. Gera má ráð fyrir 4 - 5 daga dvöl fyrir það. Annar kostur er að koma til Kreativ Dental í fyrsta tannlæknatímann og koma svo síðar til Búdapest til að hefja meðferð.

Hvað um tungumálaörðugleika?

Tannlæknar Kreativ Dental og aðstoðarfólk talar allt ensku. Þjónustustjóri okkar, Tom Emmerson er englendingur. Þess utan erum við með dönsku-, norsku-, sænsku- og þýskutúlka hjá okkur á stofunni ef það gæti henntað betur.

Hve mikinn kostnað get ég sparað með að fá meðferð hjá Kreativ Dental?

Miðað við verð í Noregi, Danmörku, Bretlandi og Þýskalandi eru gestir þessara landa að spara frá 50-70% af tannlæknareikningi sínum. Ekki er hlaupið að því að sjá nákvæm verð fyrir tannlæknameðferðir á Íslandi en við athugun okkar lítur út fyrir að reikna megi með svipuðum sparnaði. Sjá verðskrá okkar.

Hvernig greiði ég fyrir meðferð?

Við samþykkt og undirskrift meðferðaráætlunarinnar, áður en meðferð hefst, biðjum við um að 50% af heildarkostnaði við þann áfanga sé greiddur. Afgangurinn (50%) skal svo greiddur við lok þess áfanga meðferðarinnar.

Ef meðferðinni þinni er skipt upp í tvær heimsóknir (til dæmis: 4 virkir dagar í Búdapest, svo 1-2 vikur heima, svo 5 dagar í Búdapest) þá biðjum við um að 50% innborgun sé greidd meðan á fyrstu heimsók stendur (til dæmis á öðrum eða þriðja degi). Síðan er afgangurinn gerður upp við lok síðari heimsóknar.
Staðgreiðsla gegur 2% afslátt.

Við tökum við greiðslum í Evrum, Pundum eða ungverskri Forintu. Einnig tökum við öll helstu kredit kort (að frátöldu Diners Club). Greiðslur framkvæmdar með kredit kortum eru umbreyttar í ungverska forintu samvæmt gengi Seðlabanka Ungverjalands.

Hver eru meðmæli tannlækna okkar?

Ungverskir tannlæknar eru þekktir víða um heim fyrir fagmennsku sína, sérfræðiþekkingu og reynslu. Allir okkar tannlæknar eru meðlimir í "The Hungarian Chamber of Dentists". Til að sjá nánar um reynslu þeirra og menntun má smella hér (og svo á myndirnar af þeim).

Hvað ef eitthvað fer úrskeiðis eftir að ég er farin/nn frá Búdapest?

Ef svo ólíklega vill til að misbrestur hefur orðið á störfum við meðferð hjá tannlæknum okkar mun Kreativ Dental samþykkja að greiða kostnað af flugi til og frá Búdapest (að upphæð 250 evrur) og gistingu á hóteli (máltíðir ekki innifaldar) meðan á lagfæringum stendur.

Hvers vegna er meðferð hjá Kreativ Dental svona ódýr?

Einfaldlega vegna þess að kostnaður við tannlækningar í Ungverjalandi er hlutfallslega lægri en í mörgum löndum Evrópu.

Hvar get ég notið frítíma míns?

Til að gera sem mest úr ferð þinni til Búdapest bjóða hótel okkar upp á fjöldan allan af skoðunarferðum sem hægt er að bóka beint frá hótelinu þínu.
Ein besta verslunarmiðstöð borgarinnar er einnig í 10 mínútna göngufjarlægð frá Hótel Arena þar sem mjög hagstætt er að versla. Sjá hér nánar um frístund í Búdapest.

Er tannplantameðferð sársaukafull?

Stutta svarið er nei. Þú átt ekki að finna til neins sársauka. Áhrifamikil staðbundin deyfing er notuð meðan á aðgerð stendur sem kemur í veg fyrir allan sársauka maðan tannplantanum er komið fyrir. þau smávægilegu óþægindi sem kynnu að gera vart við sig að meðferð lokinni má meðhöndla með verkjalyfi. Lesið nánar um tannplantameðferðir okkar hér.

Ef mig vantar nokkrar tennur þarf þá að setja tannplanta fyrir hverja og eina þeirra?

þess gerist ekki þörf. Einn tannplanti getur dugað fyrir eina eða fleiri tennur með því að tengja tannpart við hann. Þarfir einstaklinga eru mismunandi og fjöldi tannplanta sem hver og einn þarf er metið út frá fjölda læknisfræðilegra þátta.

Er möguleiki að skipta út gómi fyrir tannplanta?

Já það er mögulegt. Til að lagfæra kjálka (efri eða neðri) þarf vanalega 6 tannplanta sem síðan fylgir 12 eininga brú. Ef það er ekki mögulegt að koma fyrir 6 tannplöntum eða ef óskað er eftir ódýrari lausn þá er mögulegt að koma fyrir föstum gómi með 4 tannplöntum. Meðan á meðferð stendur er vanalega hægt að nota gamla góminn. Lesið nánar um tannplantameðferðir okkar hér.